A febre é un aumento temporal da temperatura corporal que xeralmente está provocada por unha infección por virus ou bacterias. É unha resposta fisiolóxica que o corpo ten para activar as defensas e combater a infección de maneira natural. A febre indica a presenza dunha enfermidade, pero non é unha enfermidade en si mesma.
Aínda que a causa máis frecuente da febre nos bebés e nenos son as infeccións, podedes atopar febre noutras situacións como procesos inflamatorios ou unha reacción benigna ás vacinas.
Cal é a temperatura normal en nenos
A temperatura corporal fluctúa lixeiramente entre 36 ºC e 36,5 ºC segundo a actividade física e a hora do día, sendo sempre máis alta á tardiña, aínda que esta variación é menos acentuada nos bebés e nenos.
A temperatura rectal é aproximadamente medio grao máis alta que a axilar e pode aumentar até un grao máis se o neno está a chorar. A efectos prácticos, pode considerarse que existe febre leve ou febrícula nos nenos cando a temperatura a é superior a 37,5 ºC na axila ou 38 ºC no recto.
Como detectar a febre
Coa febre tamén adoita arroibarse a pel das fazulas e aumentar a frecuencia cardíaca e respiratoria. Podedes detectar a febre ao tocar ao bebé ou neno e comprobar a temperatura da súa pel aínda que este é un método pouco fiable.
A determinación da febre en nenos debe realizarse cun termómetro. Existen diferentes dispositivos no mercado con ese fin. Os máis utilizados son os dixitais, pero probablemente os máis precisos son os de galinstano, un metal líquido que é o substituto do mercurio, retirado pola súa toxicidade.
Como quitar a febre a un neno
Aínda que vos poida parecer que debedes quitar rapidamente a febre ao neno ou bebé, o certo é que non vos debedes obsesionar con baixar a febre. Este aumento da temperatura corporal cumpre unha función e o voso obxectivo principal será tratar a febre para que o neno estea máis confortable. Para iso, recomendámosvos usar as seguintes medidas físicas:
- Non abrigarlle nin desabrigarle en exceso.
- Podedes bañarlle con auga morna, nunca fría.
- Non lle deades friegas con alcol nin outros produtos.
- Podedes ofrecerlle líquidos para manter a hidratación. O aumento de temperatura incrementa a transpiración e por iso é importante que estea hidratado.
Se a febre persiste e o neno ou a nena atópase decaído, podedes administrarlle antitérmicos, principalmente paracetamol e ibuprofeno (este último a partir dos 6 meses). Debedes seguir a pauta que vos indique o pediatra ou a pediatra, calculada en función do seu peso. En xeral, non se recomenda alternar os antitérmicos.
Que facer si o voso fillo ten febre, cando debedes levarlle ao médico?
A febre non é unha enfermidade, senón un síntoma. Sempre debedes considerar o estado xeral máis aló da presenza de febre e o nivel de temperatura, xa que non hai correlación entre estes datos e a severidade da enfermidade que causa a febre en nenos.
Os motivos polos que deberiades consultar de forma urxente son:
- O bebé ten unha febre moi alta (39 ºC ou máis).
- A febre dura máis de 3 días
- O bebé está moi decaído
- Presenta dor de cabeza intenso ou vómitos repetidos.
- Ten dificultade para respirar.
- Detectades unha presenza de manchas vermellas na pel que non desaparecen ao presionar (petequias).
