Que é a intoxicación por inhalación
A lesión por inhalación resulta da aspiración de gas moi quente e produtos dunha combustión incompleta, que xeralmente se dá durante un incendio. Os danos que o fume ou gas poidan ocasionar na vía aérea ou o pulmón do neno ou bebé dependerán dos propios compoñentes do fume ou gas, o grao de exposición e a resposta do seu organismo.
A lesión producida pola calor limítase, en xeral, á zona da vía aérea por encima das cordas vocais, mentres que os vapores de gases tóxicos producen irritación da mucosa da vía aérea superior e inferior. A toxicidade variará segundo o tipo de materia que se queime, é dicir, segundo o tipo de fume que desprenda, sendo o plástico un dos materiais que provoca lesións máis graves.
As causas máis frecuentes de inhalación de fume ou gases tóxicos en nenos e bebés son os fumes que se poden producir nun incendio ou a inhalación de monóxido de carbono por mala combustión de caldeiras, braseros ou radiadores, en espazos con mala ventilación.
Como actuar en caso de inhalación de fume ou gases
Ante esta situación, o máis recomendable é conservar a calma, retirar a lneno da fonte de fume ou gases e levalo a un lugar ventilado con aire fresco. Con tranquilidade, observaredes a presenza de síntomas para determinar os próximos pasos que seguir, consultando sempre cun profesional en caso de dúbida ou gravidade.
Síntomas de inhalación de fume ou gases en nenos
Os síntomas máis frecuentes que poden darse cando bebés ou nenos pequenos inhalan fume ou gases tóxicos son dor cabeza, tendencia á somnolencia, dor abdominal, mal cor, dificultade para respirar, vómitos, e si camiñan, talvez notedes neles unha marcha torpe. É recomendable que, tras a inhalación de fume, monóxido de carbono ou outras sustancias tóxicas, acudades de urxencias ao centro hospitalario máis próximo e consultedes cun ou unha profesional.
Tratamento das lesións por inhalación
Segundo ditan os profesionais, non hai ningún tratamento específico para a lesión por inhalación de fume ou gases tóxicos. A actuación por parte de profesionais médicos basearase no mantemento da permeabilidade da vía aérea, asegurando a intubación e ventilación mecánica en casos máis graves. Tamén, a limpeza pulmonar e a administración de antibióticos en caso de detectar unha sobreinfección. Estímase que, o 50 % dos nenos con lesións por inhalación de fume ou gases tóxicos necesita ser intubado no hospital.
Que facer en caso de parada cardiorrespiratoria
En caso de parada respiratoria ou parada cardiorrespiratoria por mor da inhalación de fume ou gases tóxicos, será necesario iniciar as manobras de reanimación no neno ou bebé mentres se pide axuda para trasladalo ao hospital.
