O destete é o momento no que termina a lactación materna. A recomendación actual da Organización Mundial da Saúde fala da lactación materna exclusiva os primeiros 6 meses de vida do bebé, e mantela, xunto a outros alimentos, até os 2 anos como mínimo.
Deste xeito, non hai unha idade como tal para o destete. Pero se credes que, por motivos persoais ou laborais chegou o momento, debedes seguir certas recomendacións. O destete pode non ser demasiado complicado cando se trata dun bebé pequeno, pero conforme aumenta a idade, poden aparecer máis dificultades.
Tipos de destete
O destete non supón soamente un cambio na alimentación do neno, senón que é un asunto que ten unha repercusión emocional tanto para o voso fillo ou filla como para vós.
Destete voluntario e destete forzoso
O destete voluntario pode producirse tanto pola vosa iniciativa como pola do neno ou nena, aínda que o ideal sería que fose de mutuo acordo.
Na maioría de ocasións, as nais son as que deciden o momento do destete e, nesa situación, o habitual é que bebé non estea preparado para aceptalo. Outras veces, aínda que en menor grao, será a nena ou o neno quen decida deixar a lactación. Poden perder interese á vez que se vai desenvolvendo a súa curiosidade por outras cousas do mundo que lles rodea.
O destete forzoso prodúcese por causas médicas ou cirúrxicas. As nais podedes necesitar un tratamento ou unha intervención que condicione a lactación materna. En calquera caso, estas causas precisan ser analizadas con detalle, posto que poden existir alternativas máis aló do destete completo.
Outra causa de destete forzoso pode ser a separación nai-fillo por un motivo familiar, persoal ou laboral, que leve varios días e sen posibilidade de que vos extraiades o leite co fin de manter a produción.
Destete a iniciativa do neno ou nena versus destete a iniciativa da nai
Algúns peques van deixalo de golpe e outros o van facendo aos poucos, mamando de forma máis espaciada cada vez, aínda que chegará un día no que xa non o pidan.
O destete por iniciativa da nai pode producirse en calquera momento durante a lactación, desde os primeiros días ou meses até varios anos despois.
Sempre será mellor que elixades unha pauta de destete gradual, xa que si se finaliza de forma moi brusca é frecuente que aparezan algúns problemas como mastitis, ingurgitación mamaria ou obstrucións. Como a produción de leche atende á lei de oferta e demanda, a mellor opción é que vaiades limitando o número de tomas e a duración das mesmas.
Este destete gradual tamén vos ofrece beneficios emocionais para ambos, nais e fillos, xa que permitirá adaptarse á nova situación e no caso de nenos máis maiores, poderédeslle explicar o que vai sucedendo.
Ideas e trucos para acelerar un destete
Existen diferentes ideas que podedes utilizar para axudar no destete:
- En bebés menores de 6 meses, podedes ir substituíndo progresivamente as tomas ao peito por leite de fórmula. Podedes empezar retirando unha ou dúas tomas a primeira semana e ir aumentando semana tras semana.
- Non ofrecer, non negar: trátase de non ofrecer o peito, pero tampouco de negalo cando queira mamar.
- Distracción. Debedes identificar as circunstancias e momentos nos que o neno ou a nena pide o peito, e tentar adiantarse distraendo a súa atención cara a algún outro estímulo.
- Adiamento. Trátase de que lle fagades demorar unha toma, ás veces só serán uns minutos. Necesitaredes que o neno comprenda a negociación da espera. A base de repetir esta técnica, é posible que, co paso dos días, poida saltarse algunha toma.
- Substitución. En nenos que xa están a comer alimentos, adoita facerse substituíndo a toma ao peito por comida ou bebida en momentos nos que teña fame. Iso si, hai que evitar os alimentos superfluos en todas as idades, e en torno ao primeiro ano de vida, non introducir hábitos como dar leite en biberón ou o chupete.
Si estades nesta situación e non védesvos capaces de pasar polo proceso soas, buscade axuda profesional. O acompañamento e a comprensión de profesionais e grupos de lactación durante esta etapa da maternidade axudaranvos .
O destete nocturno
Entre os tipos de destete, podedes optar polo nocturno. Ben porque debedes traballar fóra de casa nese horario, ou simplemente porque xa non vos apeteza máis seguir aleitando pola noite. Pero debedes ter en conta que o destete nocturno non sempre significa que o bebé vaia durmir máis e mellor pola noite. Si é certo que co destete nocturno é máis fácil que outra persoa atenda ao bebé nos seus espertases nocturnos xa que non vai depender do voso peito.
Recoméndase que esperedes, polo menos, até os 18 meses do bebé. A partir desa idade as tomas nocturnas non son tan importantes e ademais pode empezar a comprender este cambio se llo ides explicando. Ao principio pode ser complicado que acepte o voso consolo ou agarimo para que se volva a durmir si non mama do peito, por iso é recomendable que se encargue outra persoa, por exemplo, a vosa parella, de atenderlle durante espertáselos nocturnos.
En calquera caso, non debedes acudir a trucos pouco respectuosos, como dicirlle ao bebé que tedes o peito enfermo ou pór algunha sustancia con mal sabor ou picante nas mamilas.
